題目 : 我要打劫基金佬
日期 : 2014年3月25日 (星期二)
時間 : 7:30pm – 9:30pm
地點 : YIA 408
2014年第一個新轉變，係食開的餐廳一齊幫menu換價錢，有D仲夠膽在農曆新年後換多次。香港人成為中美印銀紙大賽中的磨心，可以點。
我MPF隻保守基金，安全感都是假的。呢5年，每10萬元儲蓄，購買力蒸發2萬。我落咗匯豐搵「強積金專員」，問問隻fund係做乜，仲袋定D財經術語，準備同sales鬥拋。其中一個數字叫「風險標記」，我由坐低問到起身：粒數係有formula計，還是係亂嗡？專員重覆，粒數愈大，風險愈高。專員挑戰緊我的啟蒙批判精神。
你估平時傾基金，sales頹D定client頹D？
同最熟的朋友，話題都係旅行、政治、前景咁，近排開始唔介意講投資，仲超過咗「圈冧把」個層次：朋友M要DIY一個年回報5%的portfolio，並非退休大計，而係4% CPI下的卑微要求。
我哋冇傾過點上車，車都走咗，成村90後得個睇字。有朋友認為，如果你視層樓為屋企，而非投資的話，咩價入市唔洗計到盡。但我已經唔當香港係屋企，2046之前，我要層樓有個好價套現。我係夾心基層，逃生門得一個。
投資人的身家，係押在對資本市場的正確理解之上。反資反金融，係押埋其他人副身家，唔識揹。自己救自己最好，唔駛無謂的認同，唔駛無盡的商討，要行就行，贏輸自付。上兩個月，我睇住戰友T用3萬炒上30萬，佢當D莊家透明。市場係一部推銀機，推銀機係一個用賊贓互相打劫對方賊贓的地方，覺得錢多玩哂，就太妄自菲薄。件事係自私抑或責任，睇你將回報用在邊個身上。變股票奴？有閒錢就有打理閒錢的煩惱，我寧願有煩惱好過冇。
精選 REFERENCE：
UCB第七講意見 — Adam (2010-10-24)
好buy尾段，黃子華已看透世事
‘Karl Marx would have made a fantastic hedge fund manager’
Portfolio Diversification, Yale Class, Robert Shiller, 2013 Nobel Economics
我不贊成的全民退休保障，簡介在此
